Elvan bloggar

Biðin langa hafin!!!

Mon, 15 Dec 2008 21:50:47 GMT

Sælir nú!!

Já þá er mín bara farin að bíða eftir að prinsessan láti sjá sig! Fyrsti dagurinn í dag í rauninni sem maður er að bíða þar sem að nú er skólinn búinn og ég er hætt að vinna í bili! Fór á fætur með prinsinum á heimilinu í morgun rétt fyrir 8 en lagðist svo bara aftur upp í þegar þeir feðgar voru farnir í vinnu og leikskóla og svaf fram að hádegi ;) Maður verður nú að njóta þess að fá að sofa á meðan maður getur he he he :d

Annars voða lítð að frétta er bara enn að bíða eftir að fá einkunnir úr prófum og síðustu verkefnum, kennararnir þarna upp í skóla eru ekkert að stressa sig á einkunnargjöfum sem er ekki svo gott fyrir okkur nemendur sem sitjum og nögum neglurnar yfir því hvort við höfum náð eða ekki8| En ég ákvað að ég nennti ekki að vera eitthvað að stressa mig yfir þessu, ég fæ að vita þetta fyrr eða síðar kemur allt í ljós!!!

Það er nú greinilegt að það er komin smá hreiðurgerð í konuna þar sem ég hef verið extra dugleg að þrífa í gær og í dag! Tók eldhúsið, baðherbergið og skápana í svefnherberginu í gegn og svo bakaði ég nú tvær tegundir af smákökum! Ætlaði að baka sörur en áttaði mig á því að ég átti ekki nóg af möndlum til þess svo að það veðrur bara að bíða aðeins, en ég ætla að baka sörur í ár ekki spurning! Fór líka með jólakortin í póst svo að það er loksins búið! Var nú reyndar löngu búin að því á þessum tíma í fyrra, en þá var líka ekki verkefnabrjálæðistörn í nóvember þannig að maður hafði alveg örlítinn tíma inn á milli til þess að gera jólakortin og sonna!!!

En hvað um það! Búin að versla allar jólagjafir og pakka þeim öllum inn og er því í góðum málum hvað það varðar;) Fór einmitt um helgina og keypti þá síðustu handa kallinum, þetta var tilraun nr. 2 að kaupa handa honum! Fór helgina á undan með ákveðna hugmynd um hvað ég ætlaði að kaupa, fór á 4 staði en nei nei viti menn það var bara hvergi til það sem ég ætlaði að kaupa handa honum!!!!!!!! En svo fór ég aftur um helgina og þá var þetta komið aftur mér til mikillar gleði, fór bara á einn stað og keypti þetta, algjör snilld;) Vonum svo bara að jólin verði haldin á aðfangadag hér á bæ en ekki einhvern annan dag....það væri nú samt alveg eftir mér ef ég færi svo bara afstað kl. 6 á aðfangadag takk fyrir!!!!

En jæja ætla ekki að hafa þetta lengra í bili...kanski skrifa ég bara næst að ég sé búin að eiga he he

En allir að muna eftir kvittelsinu.....bæjóbbs...Elva

35 vikur og aðeins 5 vikur eftir!!

Sun, 16 Nov 2008 19:25:13 GMT

Hæ hæ!
Spurning hvort maður eigi eitthvað að koma með blogg hérna inn enginn sem virðist skoða þessa síðu lengur......ja allvegana er fólk alveg hætt að kommenta eða svona nánast!! Hmm......

En jæja allavegana ekki mikið að frétta hjá mér, er bara búin að vera að drukkna í skólaverkefnum, átti að skila einum 8 verkefnum bara í nóvember, þar af eru 3 eftir, 2 verkefnum í desember og 2 próf líka í desember þannig að það er ekki laust við að maður sé svona pínku ponsu að kafna!! En þetta hefst allt svona hægt og rólega.

Svo er maður alveg að springa bara held ég, bumban orðin ansi stór og mikil og ég er alveg búin að fá nóg af þessu, en hugga mig við að þetta styttist óðum og ekki líður á löngu þar til ég fæ prinsessuna mína í hendurnar:haha: Það er svona nánast allt orðið tilbúið fyrir skvísuna, fengum lánaða vöggu og ungbarnasæng frá Ingibjörgu vinkonu, bílstól og fullt, fullt, fullt af fötum frá Addú og svo eigum við restina af því sem við þurfum. Ingibjörg og Þorsteinn voru svo yndisleg að gefa okkur svo stærri sæng handa þeirri litlu svona þegar hún hættir að nota vögguna og fer að nota rimlarúmið. Ég verð að viðurkenna að mér finnst mjög skrítin tilfinning að fara að vera með ungabarn aftur, finnst það eiginlega ótrúlegt!! En það verður bara stuð!

Jæja ætla ekki að hafa þetta lengra í bili!
Bið að heilsa ykkur
Kv. Elva

73 DAGAR TO GO!!!

Thu, 09 Oct 2008 17:34:44 GMT

Góðan daginn!

Jæja þá er mín bara komin næstum því 30 vikur á leið með le skvís og bara 73 dagar eftir af þessari meðgöngu! Þetta er búið að líða svo hratt að mér finnst ég bara nýorðin ólétt og ekki hafa náð að átta mig almennilega á því að ég er ófrísk!!! En það er bara af hinu góða, fínt að þetta skuli vera svona fljótt að líða. Ég er búin að fá alveg hreint endalaust mikið af barnafötum, aðallega kjólar og svoleiðis, en svo kom Addú með FULLT af BLEIKUM fötum bæði peysum, sokkabuxum, samfellum og buxum þannig að stúlkan ætti sko að hafa nóg af fötum í kreppunni;) Held bara að hún eigi nóg af fötum þar til hún verður 3 ára!! Ég þarf ekki að kaupa eina einustu spjör á stelpuna....svo væri nú alveg met ef það kæmi svo í ljós þegar hún kemur í heiminn að þetta er bara strákur en ekki stelpa!! þá væri ég nú í smá vandræðum held ég hmmm.......

En að allt öðru, skólinn gengur bara svona la la!! Finnst ég svolítið týnd suma daga veit eiginlega ekkert hvað snýr upp og hvað niður finnst ég vera komin langt á eftir í öllu og hrædd um að ég sé bara að missa af einhverju verkefni eða eitthvað!! En held að þetta sé nú allt að hrökkva í gang hjá mér, ég allavegana ætla mér að ná öllu á þessu misseri ekki spurning! Og svo ætla ég að sjálfsögðu að halda áfram að vera í fullu námi eftir áramótin....allavegana til að byrja með sjáum til hvernig gengur að púsla saman skólanum, vettvangsnámi og vera með litla skvísu upp á arminn!!! Kemur í ljós þegar að því kemur...seinni tíma vandamál;)

Litli strákurinn minn er svo bara að verða 3 ára eftir nokkra daga...alveg ótrúlegt hvað þetta er fljótt að líða!! Áður en maður veit af verður maður sjálfur kominn á elliheimilið og spáir í það hvert árin fóru!!

Dagurinn í dag fór í það að taka til og þrífa, þvo þvott og henda í tvær kökur fyrir afmælið á laugardaginn. Morgundagurinn fer svo í það að baka og fara í búð og kaupa það sem vantar fyrir afmælið!

Jæja ekki mikið meira um þá sögu að segja bið að heilsa í bili...og muna svo að kommenta hérna inn;)
Adios Elva

Fjöruferðin!!

Sun, 28 Sep 2008 16:51:02 GMT

Er hérna með smá sögu fyrir ykkur svona til þess að gera þetta interesting. Ég varð fyrir óvenjulegri og kanski svolítið óþægilegri lífsreynslu fyrir viku síðan. Þetta er kanski svona meira fyrir mig að skrifa þetta niður.

Ég sem sagt var að fara að gera verkefni sem tengist útikennslu á mánudaginn sem átti að tengjast náttúrunni og stærðfræði. Þar sem að heimaleikskólinn minn er rétt fyrir ofan fjöruna í Kópavoginum ákvað ég að fara þangað með börnin og athuga hvað við findum í fjörunni sem hægt væri að telja og flokka kanski. Nú til þess að vita nú hvert ég ætti að fara með börnin ákvað ég að skella mér í smá könnunarferð með barninu mínu helgina á undan...sem sagt síðustu helgi. Ætlaði að fara á laugardeginum en fór á smá flakk með systur minni sem tók lengri tíma en ég átti von á og svo var svo mikil rigning að ég ákvað að geyma það bara þangað til morguninn eftir.

Nú á sunnudagsmorgun klæddum við Gabríel Ingi okkur upp í pollagalla, vettlinga, húfu og allar græjur, tókum með okkur bakpoka með litlum plastpokum til þess að týna skeljar og steina í, kókómjólk og banana svona aðallega upp á stemmarann að gera. Við fengum fínasta veður þegar við skelltum okkur út um hálf 10 sól og fínt. Við komum niður í fjöruna, fundum fullt af kuðungasniglum og ákváðum að setja tvo í box til að taka með heim. Svo gengum við eftir fjörunni og leytuðum af skeljum og fleiru til að týna í poka, spjölluðum og sungum saman. Sem sagt voða gaman hjá okkur mæðginunum. Þegar við vorum svo búin að ganga nánast alla fjöruna verður mér litið upp og brá þá heldur betur í brún þar sem ég sé mann liggja í fjörunni hreyfingarlausann. Ég fraus í smá stund í sporunum en ákvað svo að snúa við og ganga aðeins í burtu frá manninum með barnið mitt á meðan ég hringdi á neyðarlínuna. Konan í símanum spurði hvort ég sæi hvort maðurinn andaði og bað mig að kalla til hans til að athuga hvort ég fengi einhver viðbrögð, ég vildi nú ekki fara of nálægt manninum bara út af barninu mínu! Gabríel Ingi greyið skildi auðvitað ekkert í þessu og sagði við mig þessi elska: Mamma, maðurinn er bara aðeins að hvíla sig úti. Hann varð hálf smeykur þegar lögreglan og sjúkrabílar þyrptust á staðinn, hélt sig fast hjá mömmu sinni og sagði svo þegar lögreglukonan var búin að tala við okkur...Mamma förum! Ég fékk að vita það að maðurinn væri látinn og mér þakkað fyrir að hringja. Ég og Gabríel Ingi röltum svo af stað í átt að bílnum okkar, mamman í hálfgerðu sjokki en hélt samt ró minni alla leið heim til pabba og mömmu. Þegar þangað kom kom sjokkið og tárin runnu. Gabríel Ingi greyið varð hálf kvektur við að sjá mömmu sína gráta og kúrði sig í fangið á mér. Ég var nú samt nokkuð fljót að jafna mig og fannst eiginlega allir aðrir í kringum mig gera meira úr þessu en þetta var í raun og veru. Aðkoman var alls ekki hræðileg eða neitt slíkt heldur var mjög mikill friður yfir manninum, líkt og hann hefði bara lagst niður í fjöruna til þess að hvíla sig eins og Gabríel Ingi sagði við mig.

Um kvöldið fórum við í mat til mömmu og pabba og þegar við settumst upp í bílinn til að fara heim segir sonur minn við mig: Mamma, löggan var að hjálpa manninum! Hann var bara að hvíla sig úti! Ég spurði hann hvort hann hefði nokkuð verið hræddur, en hann vildi nú ekki meina það og sagði svo að löggan væri góð.

Þegar heim kom fór minn svo í löggunáttfötin sín og segir: Ég er löggan, oh mamma sjáðu (bendir á gólfið) maðurinn, ég verð að hjálpa honum!!

Mér varð pínulítið illt í hjartanu mínu við þetta, en litli gaurinn minn sem betur fer er það ungur ennþá að hann skildi ekki alveg það sem gekk á, hann vissi jú að eitthvað gekk á en ekki nákvæmlega hvað!

Morguninn eftir var stráksi eitthvað stúrinn þegar við fórum í leikskólann og klessti sig svolítið upp við mömmu sína á meðan ég sagði hópstjóranum hans frá þessu og bað hana að fylgjast aðeins með honum þann daginn sjá hvernig hann væri. Svo grét hann voða sárt þegar ég fór en var víst voða fljótur að jafna sig og eins og hann á að sér að vera. Þegar við komum heim var hann örlítið aktívari en venjulega en ég hugsa að það hafi tengst eitthvað því að pabbi hans var að koma heim.

Það sem var í rauninni verra var að Jón Þór var að vinna úti á landi og kom ekki heim fyrr en daginn eftir svo ég var ein heima, og svaf því ekkert agalega vel um nóttina. En ég er búin að jafna mig alveg á þessu, hef að vísu ekkert verið að sofa allt of vel á næturnar síðustu vikuna en er ekki alveg viss um hvort það tengist þessu eða bara að ófrískan sé eitthvað farin að segja til sín!

Seinna heyrði ég svo að talið er að maðurinn hafi látist af slysförum. Þetta fær mann svolítið til að hugsa, að maður megi ekki taka lífinu sem sjálfsögðum hlut!!! Enjoy it while you can:)

En jæja ég held ég láti þessa sögu duga í bili.
Elva

Smá update...

Fri, 12 Sep 2008 11:30:06 GMT

....er ekki kominn tími á slíkt annars?? Jú held það nú!

Svo sem ekki mikið í fréttum ég náði öðru prófinu sem ég tók um daginn fékk 7,5 fyrir ritun mjög sátt við það :haha: en féll á Aðferðarfræði og menntarannsóknir :^) frekar fúl yfir því að þurfa að sitja þetta aftur...það er ÓGEÐ....en so be it ef ég ætla að útskrifast með Bed. gráðu sem leikskólakennari einn daginn þá verð ég víst að klára þetta námskeið!! En það er seinni tíma vandamál!!

Skólinn er byrjaður á fullu og ég er strax orðin á eftir í lestrinum ehemm...8| maður er alltaf svo dúndur duglegur...en satt best að segja var ég eiginlega bara að bíða eftir að geta farið að læra svona yfir daginn.....eins og núna :lol: sem sagt var að bíða eftir að vera í fríi þessa 3 daga í viku til að geta lært! Að vísu voru bara 2 dagar í þessarri viku þar sem að ég byrjaði í vettvangsnámi á miðvikudaginn, fór bara í eina heimsókn til þess að gera 1 verkefni. sem ég er búin með, þarf bara að láta lesa yfir það og gera forsíðu áður en ég skila því...get ekki skilað því fyrr en á skiladaginn þó ég sé búin með það...samt gott að vera búin með það. Já ég er sem sagt í 3 fögum núna þessa önnina, Leikskólabarnið, Umhverfi sem uppspretta náms og Listir í leikskóla. Þetta eru allt mjög spennandi námskeið held ég bara. Í þessu fyrsta erum við að læra um leikinn og hvaða þýðingu leikurinn hefur o.sfrv. svo er ég með pöddur í búri inni í herbergi hjá mér sem ég þarf að halda lífi í í 3 vikur.....komin vika og öll dýrin enn á lífi ;) That´s a good sign!!! Og svo er þetta þriðja mjög skemmtilegt þar sem við eigum að vinna með pappír, vír og leir t.d. Mjög spennó!!

Hvað er fleira að frétta...hmmm....jú kallinn minn á afmæli á morgun:d Verður 29 ára gamall kjellinn...svo er stórafmæli á næsta ári;) Brill að það skuli ekki vera núna þar sem ég er ekki beint í stuði til þess að fara að halda eitthvert svaka partý svona þar sem maður er nú aldrei einn á ferð:s En það verður sum sé haldið heljarinnar partý á næsta ári sko ekki spurning!!

Ég er orðin svona aðeins meiri um mig en vant er enda komin tæplega 26 vikur á leið sem þýðir BARA 14 VIKUR EFTIR VÚHÚ:haha: Það eru sko akkúrat 100 dagar eftir í dag sem er alveg ótrúlea skrífið því að þetta er búið að vera ótrúlega fljótt að líða...það verður bara komin desember áður en maður veit af sko!!

Já verð nú að segja ykkur smá sögu! Fannst ég sko gera mig að algjörum fávita í gær!!! Átti sem sagt að fara í mæðraskoðun í gær kl. 9. Ég mætti auðvitað niður á heilsugæslu þó svo að ég vissi vel að ljósmæðurnar væru í verkfalli...en það var sem sagt búið að segja mér að það myndi einhver taka á móti mér...sú sem ég talaði við vissi bara ekki hver það yrði. Nú jæja þegar ég mæti er mér bara sagt að þær séu í verkfalli og ekkert hægt að gera í því enginn sem getur talað við mig nema það sé eitthvað að!! Ég var nú alveg að brotna bara þarna við afgreiðsluborðið leið eins og bjána!! Fékk svo að tala við einhvern lækni...sem er sem betur fer kona...og ég bara missti mig inni hjá henni fór bara að grenja eins og smábarn og vissi í rauninni ekkert afhverju!!! HALLÓ HORMÓNAR!!!!!!! Úff hvað mér leið mikið eins og versta hálvita í heimi er sko ekki vön því að fara bara að grenja svona yfir engu án þess að vita afhverju og svo af því að ég hafði farið að grenja þarna fyrir framan ókunnuga konu og leið eins og bjána þá grenjaði ég ennþá meira og bara gat ekki hætt!!!!!!!!! Já það er fjör að vera ófrískur :lol::lol::lol:

Jæja ætla að segja þetta gott í bili og allir að muna að kommenta.....

Kv. Elva hin ofurviðkvæma!!!!

Sumarið á enda og próflestur tekinn við!!

Mon, 11 Aug 2008 22:27:56 GMT

Já heilir og sælir lesendur góðir...ef það eru einhverjir það er að segja8)

Ekki mikið nýtt að frétta af kjellunni svo sem. Búin að vera í 4 vikur í sumarfríi í sumar og önnur vinnuvikan hafin eftir frí. Þetta var svo sem ósköp notalegt frí þó að ekki hafi mikið verið gert. Fyrri helminginn af fríinu var ég heima með prinsinn á bænum bara að skottast, fara á brúðubílinn niður í bæ, fór í húsdýragarðinn og út að leika svo fátt eitt sé nefnt. Seinni helmingnum eyddi ég svo með barninu mínu í sumarbústaðnum hjá tengdó í Þykkvabænum. Kallinn var að vinna í kirkjugarðinum í Þykkvabænum og ég ákvað bara að skella mér með í sveitina þar sem ég var nú í fríi og hafði ekkert betra að gera. Það var nú svo sem ekki mikið gert á þessum tveimur vikum, fór 2x í sund og svo bara út að leika og labba með þeim stutta. Maður var nú orðinn ansi leiður samt á að hanga þarna eftir þessar tvær vikur, aðallega þá að hafa ekki félagsskapinn þó svo að ég elski barnið mitt út af lífinu þá er nú ekki mikill félagsskapur fyrir fullorðna manneskju af tæplega 3 ára gömlu barni! Þú allavegana heldur ekki uppi mjög djúpum samræðum við lítinn orkubolta eins og hann :þ! En ég fékk nú heimsóknir í sveitina, Ása sys kom einu sinni með vinkonum sínum og svo komu Ingibjörg og co að heimsækja okkur mæðginin einu sinni.

Þegar heim kom var farið í að þvo heilt fjall af þvotti og sonna skemmtilegheit áður en vinnan hófst að nýju. Já svo fórum við hjónin í 20. vikna sónar þann 5. ágúst þar sem kom í ljós að við eigum von á lítilli gellu þann 21. desember næstkomandi (...sem sagt fyrir ykkur sem ekki vitið það þá er ég sum sé eigi kona einsömul!!). Er núna komin 21. viku og 1 dag, sum sé helmingurinn búinn viku og einum degi betur! Mjög spennandi he he he! Mér finnst ég allt í einu orðin ferlega ólétt eitthvað, líður eins og hálfgerðum hval en það er nú bara gaman af því ekki satt;)

Svo er málið þessa dagana að undirbúa sig fyrir endurupptökupróf núna í ágúst, fer í 1 próf 25. ágúst og annað 26. ágúst. Það gengur ekkert sérlega vel að læra....eins og sést núna þar sem ég er frekar að skrifa blogg-færslu en að læra fyrir próf! En kommon klukkan er nú að verða hálf 11 og ég er búin að hlusta á 2 fyrirlestra í dag og lesa smá!! (EIN AÐ REYNA AÐ FRIÐA SAMVISKUNA EHEMM::$).

En jæja held að ég láti þetta duga í bili er orðin frekar sibbin og er að hugsa um að koma mér í rúmið!
Adios Elvan ólétta!!

P.S. MUNA AÐ KOMMENTA

Langt um liðið hmmm.....

Fri, 20 Jun 2008 21:03:43 GMT

Jábbs einhver var að kvarta undan bloggleysi hérna....jah maður er orðinn harðgift kona og þá er þetta bara búið............Nei segi nú bara sonna!

Það hefur svo sem ekki mikið á daga mína drifið síðan síðast..ja fyrir utan auðvitað þá staðreynd að nú er ég orðin FRÚ8|!!! Finnst ég alveg hrikalega gömul eitthvað komin með þennan titil!!! En þetta var YNDISLEGUR dagur í alla staði ekki hægt að neyta því ó nei!! Allt gekk eins og í lygasögu! En heyrst hefur að eiginmaðurinn hafi verið spottaður á laugarveginum á brúðkaupsnóttina...eitthvað til í því eða....:o?? Jú ein sem er að vinna með mér sá karlinn á röltinu niður laugarveginn aðfaranótt sunnudagsins 1. júní! En þannig var nú mál með vexti að við eyddum brúðkaupsnóttinni á hóteli á laugarveginum og þar sem að ekki var til arða af matarkorni á herberginu eða hótelinu tók karlinn á það ráð að skella sér á einhvern pizzastað þarna niður í miðbæ og kaupa eitt stykki flatböku handa nýgiftum hjónunum sem voru að drepast úr hungri:lol:

Já svo er ég búin að klára fyrsta árið í kennó...eða svona næstum því, þarf að vísu að taka tvö endurtekningarpróf í ágúst, ritun og aðferðarfræðina...gengur bara betur næst ekki satt!!

Annars hef ég nú bara verið að vinna eins og mó fó síðustu vikur er komin í 100% stöðu á leikskólanum allavegana fram að sumarfríi veit ekki hvernig verður eftir sumarfrí hvort ég fæ 100% út ágúst eða hvað kemur í ljós bara. Veit heldur ekkert hvar ég verð næsta vetur getur vel verið að ég verði bara í afleysingarstöðunni áfram þar sem að ég vinn ekki nema fram í desember! Ætla mér svo að vera í fæðingarorlofi eftir áramótin með skólanum, hentar ágætlega;)

Jæja læt þetta duga í bele! Bæóbbs

Gæsamamma í magadansi og 34 dagar í brúðkaup.

Sun, 27 Apr 2008 23:14:22 GMT

Jæja, þá er búið að gæsa mann og þetta var alveg brilliant dagur verð ég nú bara að segja:d Þessar skvísu vinkonur mínar eru bara æðislegar. Ég vil bara þakka ykkur enn og aftur kærlega fyrir mig þetta var alveg yndislegt og þvílíkt gaman að sjá (næstum) allar vinkonur mínar saman komnar! Það vantaði að vísu þarna allavegana tvær vinkonur sem því miður bara komust ekki og svo vantaði auðvitað mágkonurnar allar nema eina;).

Já það byrjaði nú á því að ég var á leiðinni í smáralindina með Ásu sys og Addú...eða svo hélt ég :lol: Ása sótti mig um hádegi og við ætluðum að sækja Addú, nema hvað Ása hringir í Addú og segir svo við mig að við þurfum að fara inn til Addúar því að hún sé ekki alveg tilbúin. Og svo komum við inn og þá standa skvísurnar allar með myndavélarnar á lofti og hrópa GÆS!!! Það var baaaara fyndið, mér brá nú bara ekkert lítið sko! Jæja svo var ég sett í skærgrænan bol sem á stóð með skærbleikum stöfum ELVA GÆS framan á og dagsetning gærdagsins aftan á og fékk þessa fínu fjaðraspöng á höfuðið. Svo var sest til borðs og snæddur hádegismatur.

Eftir hádegismatinn og smá spjallerí var lagt afstað í bíltúr niður í bæ..nánar tiltekið niður í skeifu þar sem við áttum bókaðan tíma í MAGADANSI. Ég var klæddí bleikt pallíettupils og brjóstaskraut og stelpurnar í svona glingurpils og svo var tekið til við að læra nokkur spor. Þetta var alveg dúndur mikið fjör og heilmikið hlegið á þessum klukkutíma.

Svo skelltum við okkur aftur í smá bíltúr, stoppuðum í bílastæði á höfninni, en fórum svo strax afstað aftur og enduðum í Hagkaup á Eiðistorgi þar sem var keyptur ís á línuna, sem var étinn fyrir framan vínbúðina :lol:

Þegar allir voru búnir að borða ísinn var svo haldið aftur afstað í bíltúr og í þetta skiptið lá leiðin á hótel Sögu...þar sem að by the way veislan verður haldin;) ég spurði nú að því hvort við værum að fara að skoða salinn :haha: en svo var nú ekki heldur héldum við niður í kjallarann þar sem að mér var nú bara boðið í heilnudd í klukkutíma takk fyrir, ekkert smá notó:d

Eftir nuddið héldum við svo niður að Reykjavíkurtjörn þar sem að...voða húmor..gæsin fékk að gefa bra bra brauð :haha: Fannst það reyndar bara fyndið hi hi hi.

Svo var haldið í Hafnarfjörðinn, nánar tiltekið heim til Addúar...aftur á upphafspunktinn;) þar sem að var haldin heljarinnar grillveisla. Eftir grillið og heilmikið spjall og hlátur, fékk ég afhent sokkaband sem tilheyrir víst að vinkonur gefi gæsinni;) Og svo mætti spákonan Tanja á svæðið og spáði í tarrot spil á línuna. Spáin mín hljómaði upp á bjarta framtíð og buisy days þetta árið, mikið stress á mér sem ég þarf að læra að losa mig við og að læra svolítið að sleppa takinu....læra að ég þarf ekki alltaf að vita nákvæmlega hvað kemur næst!!! Hmmm.....lýsir mér svo sem ágætlega bara held ég:$

Kvöldið endaði svo með því að allir skelltu sér í heitapottinn í góða veðrinu, sumir með öl í hönd og sonna fínerí ;) nema reyndar Ingibjörg sem þurfti að fara snemma og Sigrún sem fékk far hjá Ingibjörgu.

Þetta var bara í allastaði MJÖG vel heppnaður dagur og ég er alveg hrikalega ánægð með þetta allt saman.

Já svo eru núna bara 34 dagar í brúðkaupið og ekkert meira að gerast í undirbúningi eins og er..þarf samt að fara að panta mér brúðarvönd og skreytingar á bílinn og fer svo eftir rúmar 2 vikur í það að láta laga kjólinn minn sem er nú bara hátíð út af fyrir sig :haha:

Svo eru ekki nema 16 dagar í fyrsta prófið svo að það er nú eins gott að fara að byrja að lesa fyrir það!!! Já og talandi um lærdóm þá ætti ég nú að vera að læra akkúrat núna í staðinn fyrir að blogga dudduru..... en er nú búin með helminginn af féló verkefninu mínu þannig að þetta lítur nú ekkert svo illa út..á samt að skila því annað kvöld...en lítur út fyrir að ég verði heima með veikt barn á morgunn þannig að það er svo sem allt útlit fyrir að ég nái að klára;)

Jæja segi þetta gott í bili ætla að reyna að setja inn nokkrar myndir frá gæsapartýinu sem Kata var svo góð að senda mér..set inn fleiri þegar ég fæ þær.....og ALLIR AÐ MUNA AÐ KOMMENTA.

Kv. Elva gæsaskvís

44 dagar í brúðkaup!!

Thu, 17 Apr 2008 11:51:51 GMT

Já alveg er þetta merkilegt með tímann hvað hann er fljótur að líða ég segi nú ekki annað!! Það fer bara að líða að þessu!! Annars er ekki mikið meira að gerast í undirbúningi við erum svona nokkurn veginn búin að ákveða hvaða bíl við ætlum að fá...eigum að vísu eftir að tala við eigand bílsins og fá leyfi ;) en er nokkuð viss um að eigandinn segi já við því engin ástæða að ætla annað! Svo ætlar ein sem er að vinna með mér að lána okkur hringapúða sem er bara fínt mál því að við ætluðum hvort eð var að leigja okkur einn slíkann svo það sparar okkur 1000 kall...svo sem ekki mikill peningur en margt smátt gerir eitt stórt ekki satt:d

Fór í vinnuna á mánudag og það var bara fínt að byrja aftur að vinna, komast í smá rútínu aftur og út á meðal fólks. Finnst ég svolítið lost svona þar sem að ég er afleysing og er því bara eins og þeytipíka út um allt hús. T.d. á þriðjudag þá var ég inni á annarri stelpudeildinni til hálf 4 fór þá á hina stelpudeildina í hálftíma og svo aftur á þá deild sem ég var búin að vera á allan daginn í hálftíma áður en ég fór heim!! Mjög skemmtilegt :lol: Ég verð sum sé að vinna á mánudögum og þriðjudögum frá 8.30 til 16.30 í apríl og maí svo fer ég að vinna 100 % í sumar fram í september.

Það fer svo að líða að prófunum en það eru nú ekki nema rétt 2 vikur eftir af kennslu og hellings verkefnaskil framundan en ég er nú reyndar nánast búin með verkefnin sem á að skila á mánudaginn svo að ég er í góðum málum bara myndi ég halda. Á mánudag á sem sagt að skila Lotu 4 í textílmennt sem ég er að vinna í núna...sauma brúður svaka stuð;), hugleiðingu í tónmennt sem ég er búin með á bara eftir að láta lesa yfir fyrir mig og svo er hópverkefni í listir og barnamenning sem ég er að fara að vinna í í kvöld inni á MSN!! He he já það er nú vegna þess að ein stelpan sem ég er að vinna verkefnið með býr í Vestmannaeyjum og önnur á Selfossi og maður skreppur nú ekki bara sí svona til Eyja til að vinna eitt stykki verkefni :lol:Fyrsta prófið er svo 13. maí og seinna 16. maí þannig að maður hefur ágætis tíma til þess að lesa fyrir prófin fyrst ég er ekki að vinna alla daga og nú verður maður sko að standa sig takk fyrir til þess að fá námslánin!!!!!!! Ég verð, skal og ætla bara að ná báðum prófunum!!!! Ekki spurningin.
Jæja ætli sé ekki best að maður haldi áfram að sauma svo ég geti kíkt á æfinguna sem er komin inn á netið rumpa þessu bara af er það ekki málið;)

Jæja segjum þetta gott í bili folks
Adios amigos Elva

Hmmmm....

Fri, 11 Apr 2008 12:10:02 GMT

Hæ hæ!!
Sit hérna heima og ætti að vera að læra...EN kem mér ekki í lærdóminn bara...á að skila textílverkefni á mánudag...búin með það og svo er tónmenntar hópverkefnaskil í næstu viku á eftir að hitta hópinn minn og pæla í því verkefni!! Svo held ég að það sé ekkert meira í bili af verkefnum fyrr en í þarnæstu viku en þá á víst að skila aðfó verkefni sem ég bara skil hvorki upp né niður í og eitthvað fleira!!

Svo núna sit ég hérna með nagandi samviskubit yfir því að vera ekki að læra...en samt er ekkert sem ég get í rauninni gert!! Furðulegt alveg hreint!!

Fór í gærkvöldi í prufuförðun og var svona líka sæt og fín! Er bara ótrúlega sátt við þessa förðunardömu, hún er rosalega fær ekki hægt að segja annað! Já svo er ég búin að panta mér tíma fyrir greiðsluna mæti á hárgreiðslustofuna Pyrana laugardaginn 31. maí kl. 10 þangað!! Pantaði mér líka í leiðinni klippingu og strípur en fer nú í það svolítið fyrr, 9. maí kl. 10! Veit ekki alveg hvenær ég á að fara í prufugreiðsluna...kemur örugglega allt í ljós þegar ég fer í klippinguna. Annars er þetta svona það helsta sem er að frétta af brúðkaupsundirbúningnum...sem er svo sem ekki mikið þar sem að maður er ansi yfirvegaður, finnst þetta ennþá vera frekar fjarlægt...en það er víst ekkert rosalega langt í þetta...

Eftir viku er svo margt skemmtilegt um að ske..Ása sys og Gauji bró eiga afmæli og Birta á afmæli þá líka. Ég ætla að skella mér ásamt Kötu, Helgu og Andrési í heimsókn til hennar Barböru vinkonu upp í sveit. Það verður svaka stuð án efa þar sem að maður hefur ekki hitt hana í ár og aldir!!!!

Jæja hef ekki mikið meira að segja í bili...bið að heilsa....

GLEÐILEGA PÁSKA

Mon, 24 Mar 2008 15:59:57 GMT

Jámm hvað segist þá?
Héðan allt þetta fína að frétta bara búin að vera að slaka á eftir brjáluð verkefnaskil fyrir páskana hélt á tímabili að ég myndi tínast eða drukkna í verkefnaskilum! Þetta var ansi mikil törn en það hafðist að skila öllu á réttum tíma þó að sumt...ja eða flest af þessu hafi verið hálfgert skítamix hjá manni:$ svo er nú bara að vona það besta að maður nái þessu öllu saman!

Fór í skólann vikuna fyrir páska, í 3 daga og þó að þetta hafi bara verið 3 dagar þá var þetta ansi mikil törn. Á mánudag var ég í skólanum frá 8.30 til 16.50, að vísu með nokkrum eyðum inn á milli en samt sem áður ágætis törn þann daginn. Mætti svo í skólann um 10 leytið á þriðjudeginum til að gera hópverkefni sem við þurftum svo að klára um kvöldið, átti að vera í skólanum til að verða 6 en tónmenntartímanum var flýtt um 2 tíma þannig að ég var búin kl. 4 sem var mikill léttir. Mætti svo í skólann kl. 8.30 á miðvikudaginn þvílíkt stressuð til að fara að flytja verkefni í aðferðarfræði, mættum alveg á réttum tíma komum okkur fyrir í stofunni sem við héldum að við ættum að vera í en komumst svo að því að við vorum á röngum stað og þurftum að hlaupa í hinn endann á ganginum! Komum inn í miðja kynningu hjá hóp 1 sem við áttum b.t.w. að meta!!!! Ekki skemmtilegt en útskýrðum fyrir kennaranum afhverju við værum seinar og það var allt í gúddí! Gerðum kynninguna á verkefninu okkar og það gekk bara glimrandi vel held ég, erum ekki enn búnar að fá einkunn fyrir það en...kemur í ljós!! Svo vorum við í gati til hálf 4 og þá var það flutningur á verkefni númer 2 þann daginn að þessu sinni í talað mál...sem er sem sagt framsögn og hljóðfræði. Það gekk nú bara ágætlega held ég..fæ að vita hvernig það gekk eftir páskana...og við komumst heim 1 og hálfum tíma fyrr en ætlað var sem var mjög gleðilegt þar sem við áttum að vera til að verða 6 í skólanum þann daginn!! Það var rosa gaman samt að fara og vera í skólanum, alltaf ákveðinn stemmari í því að mæta í skólann og sitja í bekkjartímum í staðinn fyrir að sitja alltaf einn heima fyrir framan tölvuna og hlusta á fyrirlestra og gera verkefni!!

Páskarnir eru búnir að vera ansi nice hér á bæ! Fimmtudagurinn var nú bara tekinn með ró og spekt hér heima fyrir, Birta og Rasmus kíktu aðeins í heimsókn eftir hádegið og svo um kvöldið komu Ása sys, Raggi bró, Inga mágkona og Brynhildur María frænka til okkar í eitt stykki pókerspil...Brynhildur sat nú að vísu bara fyrir framan imbann á meðan við spiluðum enda ekki nema að verða 9 ára skvís!!

Á föstudagsmorgunn skelltum við okkur í sveitasæluna til tengdó á Ástarbrautina í Þykkvabænum þar sem hún er með sumarbústaðinn. Við eyddum þar 2 æðislegum dögum. Ætluðum upphaflega bara að vera 1 nótt og koma heim á laugardag en freistuðumst til þess að vera einni nótt lengur þar sem að þetta er svo yndislegt að vera þarna í kyrrð og ró fjarri öllu amstri, stressi og umferð. Þetta er sko í bókstaflegri merkingu in the middle of nowhere!!! Þetta er sem sagt mitt á milli Hellu og Þykkvabæar. Gormurinn var í svaka dekri hjá ömmu sinni og afa sem snérust algjörlega í kringum litla manninn, það var meira að segja fenginn dótakassi að láni úr næsta bústað hjá Elínu, móðursystur Jón Þórs, til að hafa ofan af fyrir þeim stutta. Hann var hinn rólegasti þegar dótið var komið á staðinn og satt hátt í 3 klukkutíma og dundaði sér með þetta, og það þurfti sko ekkert að hafa fyrir honum, alveg yndislegt sko!! Við komum svo heim um 1 leytið í gærdag (páskadag) og fórum í mat til ma & pa um kvöldið. Við skelltum okkur svo út í morgun um 10 leytið, Jón Þór fór að þrífa bílinn og ég og Gabríel Ingi fórum í smá göngu/hjólatúr, hann á þríhjólinu og ég gangandi frá vinnuhúsinu og heim til mömmu og pabba. Ég var MJÖG fegin að Ása sys var heima því að bæði mamma og pabbi voru í ferð sem hefði þýtt að ég hefði þurft að labba alla leið til baka með gaurinn ef enginn hefði verið heima, og þetta er nú ansi löng leið fyrir litlar fætur!!! Svo erum við búin að fara í heimsókn til Rannveigar systur Jón Þórs í dag og fara í búð!! Ansi mikið búið að afreka í dag:haha:

Þetta er nú svona það helsta sem er að frétta í bili, ætla ekkert að ræða brúðkaupsundirbúning...maður spyr bara þessa dagana ha gifta sig..hver??? Það hefur sum sé ekki gefist mikill tími í slíkar hugleiðingar síðustu daga!!!

Svo fer maður nú bara að undirbúa próflestur á næstu dögum og klára síðustu verkefni annarinnar og sonna. Ég fer sum sé í tvö próf Félagsfræði og skólasaga 13. maí og svo Aðferðarfræði og menntarannsóknir 16. maí...og svo eru bara 2 vikur eða eitthvað álíka í brúðkaupið!!!

Jámm þannig er nú það skal ég ykkur segja!! Jæja held að þetta sé nú bara orðið nokkuð gott í bili búin að skrifa hérna inn ágætis pistil!!! Og muna svo að KOMMENTA ALLIR SEM KÍKJA INN.....nema fólk ætli að vera með einhvern derring þá er nú bara betra að sleppa því að kommenta;)
Jæja bið að heilsa í bili....adios amigos

Verkefnaskil og skemmtilegheit

Tue, 11 Mar 2008 22:20:06 GMT

Spurning hvort maður ætti að fara að hætta þessarri blogg vitleysu, það virðist enginn lesa þetta orðið, allavegana er fólk ekkert úber duglegt að kommenta á þetta hjá manni hmmm....

Allavegana smá færsla hérna í bili!!

Við erum búin að skrá okkur á gjafalista hjá versluninni DUKA í Kringlunni, fyrir þá sem ekki vita hvar hún er þá er hún á 2. hæð á móti Hagkaup. Völdum okkur svaka fínt stell og glös í stíl.

Það fer senn að líða að brúðkaupsdeginum stóra ekki nema hvað 81 dagar eða eitthvað...styttist óðum!!! Fer að líða að því að maður þurfi að fara að panta sér tíma í hárgreiðslu og tala við förðunardömuna, panta brúðarvönd og skreytingar á brúðarbíl svo eitthvað sé nefnt...geri þetta allt saman í apríl...þegar ég hef tíma.

Já verð nú að skjóta því hérna inn hvað ég er ógisslega stolt af sjálfri mér, ég er enn að maula þetta blessaða grænmeti og sonna og ég er barasta búin að missa næstum því 5 kíló takk fyrir pent:lol: er alveg að rifna úr stolti sko!! Mér finnst ég nú samt ekki sjá neinn brjálaðan mun á mér, finn það aðallega á því að buxurnar mínar eru orðnar svolítið víðar um mittið og lærin og sonna ;) bara gaman að því!! Fer í vigtun á morgun og þá kemur sannleikurinn í ljós hvort vigtin mín sé bara búin að ljúga að mér eða hvað he he

Annars fátt að frétta bara brjálað að gera í verkefnavinnu og sonna, var að "vinna" í Tónmenntar og bókmenntarverkefni rétt áðan sem á að skila inn á föstudaginn svo er féló verkefni á laugardag, textílmennt og úrdráttur úr textíl og myndmennt á mánudag, kynning á verkefnum í Talað mál og Aðferðarfræði á miðvikudag!! Nóg að gera sum sé, er ansi fegin að vera ekki að vinna með skólanum eins og er allavegana. Það er sum sé staðlota nr. 2 í næstu viku og þar sem að það eru alveg að koma páskar þá verða þetta ekki nema 3 dagar en mér sínist á öllu að þetta verði ansi strembnir dagar samt sem áður. Mánudagurinn er frá 8,30 til 16,50 Þriðjudagurinn frá 12 til 17,40 og miðvikudagurinn frá 8,30 til 17, 40!!!

Svo í vikunni eftir páska og fram í byrjun apríl verð ég í vettvangsnámi á Marbakka í Kóp svaka stuð, þarf að vinna fullt af verkefnum þar held að þau séu ein 3 eða 4 sem þarf að rumpa af þar, og svo eru bara að koma próf. Próftaflan átti nú að koma inn á vebbann á mánudag en var ekki ennþá komin þegar ég kíkti inn í dag hmmm...orðin frekar spennt að vita hvenær ég er búin í prófum og í hvaða röð þau eru. Vona bara að það verði ágætlega langt á milli prófa svo að maður hafi tíma til að undirbúa sig vel. Fer að vísu bara í tvö próf sem betur fer í Aðfó og Féló, er pínu stressuð fyrir aðferðarfræðinni þar sem að þetta er ekki það fag sem ég er sérlega vel að mér í!!

Jæja ætla að láta þetta gott heita í bili, og allir muna að kommenta KOMA SVO:d

Bæóbbs Elva Degell

Allt að gerast!!

Mon, 03 Mar 2008 12:21:52 GMT

Góðan daginn8)
Það er blíðan úti algjörlega, að vísu ansi kalt en samt sem áður fínasta veður, þetta er bara Ísland í hnotskurn ekki satt?!?

Já dagurinn stóri nálgast óðfluga, einungis 89 dagar til stefnu og þá verð ég orðin Frú takk fyrir;) Svolítið skondin tilhugsun í rauninni finnst mér:haha:

En það er allt að verða komið, ég er búin að finna konu til að farða mig, en eins og ég hef áður sagt þá ætlar hún Kata mín að vera svo yndisleg að gefa mér förðunina, en því miður verður hún ekki viðstödd brúðkaupinu til þess að sjá hvað ég verð sæt og fín:( þar sem að hún er að fara í fermingu á Akureyri hjá litla bróður sínum. Frekar svekkjandi en ég veit að hún á eftir að vera með okkur í anda;) Já svo er ég líka búin að finna mér naglakonu til að setja á mig neglur, en það er hún Kolbrún Ása frænka mín sem ætlar að sjá um það, og svo er ég búin að finna mér hárgreiðslustofu til að sjá um greiðsluna, en það er hárgreiðslustofan Pyrana þar sem ég fer alltaf í klippingu. Á bara eftir að panta mér tíma og sonna en það verður ekki gert fyrr en einhverntíma í apríl.

Svo fór ég á stúfana um daginn og rambaði inn í nærfatabúð hérna í Hafn og fann þar hlýralausann haldara fyrir stóra daginn...á að vísu eftir að kaupa hann en er samt búin að finna og hann var nú ótrúlegt en satt ekkert öfga dýr kostar tæplega 5000 kr sem er ekkert svo mikið fyrir svona fansí nærföt sko;) þá á ég bara eftir að fá mér sokkabuxur og þá er mitt dress bara komið fyrir brúðardaginn:lol:

Svo er ég búin að finna hringapúða sem ég leigi bara hjá Litir og Föndur, kostar 1000 kr að leigja hann mjög fínn díll. Svo ætlar kallinn að setja mynd á kampavínsglösin fyrir okkur, gerir það svolítið persónulegra finnst mér :)

Jæja ætla ekki að hafa þetta lengra í bili, er á leiðinni að kíkja á borðbúnað fyrir gjafalistann;)

Bæ í bili:)

Boðskort farin í póst!!

Wed, 27 Feb 2008 14:19:36 GMT

Jæja þá get ég loksins farið að blogga aftur...af einhverjum ástæðum þá komst ég ekki inn á bloggið mitt hvorki til að lesa né skrifa þannig að ég var alveg barasta að gefast upp á þessu bjévítans dæmi:$

En allt er gott sem endar vel ekki satt!!

Ég er enn að maula grænmeti alla daga nánar tiltekið minnst 600 gr á dag takk fyrir pent!! Það gengur svona upp og niður hjá mér samt aðallega niður þá meina ég kílóin eða frekar grömmin!! Ég er núna búin að vera í þessu í 4 vikur og búin að missa 3,1 sem er nú bara nokkuð gott þar sem að ég er ekkert að hreyfa mig með þessu og er búin að svindla svona smá líka....:^) sem er nú bara alls ekki leyfilegt en nú ætla ég að fara að taka mig á og reyna að losna við allavegana kíló á viku takk fyrir.

Já svo fer nú senn að líða að stóra deginum einungis 3 mánuðir til stefnu:d, boðskortin fóru af stað í dag, eða sem sagt fóru í póst í dag þannig að fólk má eiga von á boðskortum í pósti fyrir helgina;) eða strax eftir helgi.

Annars voða lítið að frétta.

Bless í bili:haha:

Sá danski....taka tvö!!!

Wed, 30 Jan 2008 21:19:59 GMT

Jæja þá er það tilraun númer 2 á danska kúrnum!! Var að koma heim af fyrsta fundinum og nú er bara að standa sig takk fyrir. Ég stóð mig nú ekkert úber vel síðast en ætla mér að standast þetta núna enda vil ég frekar láta þrengja kjólinn minn heldur en hitt sko;) Ef þetta gengur eins vel og til að byrja með síðast sem sagt reikna með 1 kg á viku fram að brúðkaupinu þá ætti ég að geta losað mig við svona 15 - 20 kg fyrir brúðkaupið sem væri auðvitað bara draumur í dós...vonandi getur það bara orðið að veruleika:D En til þess að það verði að veruleika þá verður maður auðvitað að gera eitthvað í því sjálfur ekki satt. Og þetta er auðvitað alveg tilvalið þar sem að ég er heimavinnandi húsmóðir og ætti því auðveldlega að geta fylgt prógramminu.

Seinast náði ég að losa mig við 2,2 á tveimur vikum og ég var alveg þvílíkt ánægð með það en svo datt ég í það...(ekki mjög skemmtileg upprifjun...8|) og bara datt í það í matarsukkinu í leiðinnni og þar með var sá danski úti og slæma matarræðið inni one again!! En það verður ekki raunin í þetta skiptið nú ÆTLA ég að standa mig í þessu!!

Fleira sem er um að ske í mínu lífi...ja það er nú ekkert sérlega mikið þar sem að eins og ég hef áður sagt er ég heima að læra alla daga og umgengst nú ekki marga svona yfir daginn. Helsti félagsskapurinn þessa dagana eru fiskarnir okkar þeir Gabríel og Gunni..svona dagsdaglega! Annað slagið hitti ég nú samt Addú og Ásu sys þegar við lærum saman og svo auðvitað soninn og kallinn á kvöldin.

Og svo er það auðvitað BRÚÐKAUPIÐ...einu sinni enn :haha: Ég var svona aðeins að kíkja yfir gátlistann minn og athuga hvað það væri nú svona sem maður þyrfti að fara að huga að. Jámm það er sem sagt að fara að athuga með hárgreiðsluna og svo tjékka á þessu spray tan dæmi. Er komin með förðunardömu og svo í sambandi við neglur þá var lítill fugl sem hvíslaði því að mér að ég á eina frænku sem er að setja neglur víst þannig að ég er að hugsa um að spjalla við hana og athuga hvort hún sé ekki til í að redda mér í þeim efnum.

Já svo þarf ég víst líka að fara að huga að brúðarvendinum og skreytingum fyrir salinn og bílinn...erum reyndar ekki enn alveg búin að ákveða hvaða bíl við fáum í brúðkaupið en það kemur allt í ljós barasta held ég nú!!

Jæja ætla að hætta í bili.

En þangað til næst þá allir að hvetja mig áfram í þessum danska;)

Kv. Elva